ANPA Os Irmandiños: Renovación xunta directiva Anpa

RENOVACIÓN DA XUNTA DIRECTIVA DA ANPA

PRESENTACIÓN DE CANDIDATURAS E

PROCESO ELECTORAL

Estimadas familias,

Como xa sabedes este curso escolar tocaba renovación da Anpa, pero non se presentou ningunha candidatura completa. Na asamblea do 30 de outubro decidiuse esperar a xaneiro a ver si alguén máis se unía a candidatura que se presentou ( non completa ) ou se se presenta outra nova candidatura.

CANDIDATURAS

Todas as candidaturas presentadas deberán ser candidaturas CONXUNTAS*

* As candidaturas CONXUNTAS son as formadas por un grupo de socios/as que se unen para presentarse como grupo, elixindo cada un dos socios integrantes un posto dentro da Xunta Directiva. Segundo os estatutos da Asociación deberá ter cubertos, polo menos, os seguintes postos, de forma obrigatoria: Presidente/a, vicepresidente/a, tesoreiro/a e secretario/a; ademais, poderán existir tantos postos de vogais como se estime oportuno, sen límite nin por exceso nin por defecto. Polo tanto, as candidaturas conxuntas deberán estar formadas por, polo menos, catro membros.

Como xa vos informamos, calquera membro socio/a ao corrente de pago ten dereito a presentarse como candidato. Animámosvos a todos/as a que presentedes candidatura, e poñades en marcha os vosos proxectos e ideas. No entanto, e vista a experiencia en cursos anteriores, debedes ter en conta que calquera cargo, sexa o que sexa, dentro da Xunta Directiva, require dunha mínima dedicación de tempo por parte dos seus integrantes, xa que diso DEPENDE O BO FUNCIONAMENTO das actividades extraescolares, así como moitas outras xestións habituais que as ANPAS realizan: colaboración en proxectos co centro, promover as boas relacións entre a Directiva e os docentes do Centro coas familias, representación no consello escolar do centro, xestión das subvencións, xestión económica e administrativa da asociación, representación da asociación perante calquera organismo ou en reunións con anpas do municipio, información e promoción de actividades formativas e culturais,atención ás familias swnde o local da ANPA, asistencia o escola naquelas actividades en que se require, etc.

QUEREMOS RECORDAVOS QUE TODAS AQUELAS ACTIVIDADES REALIZADAS POLA ANPA COMO AULA MATINAL, EXTRAESCOLARES OU ACTIVIDADES CULTURAIS REALIZADOS COA ESCOLA, QUEDARIAN SIN PODER REALIZARSE SI NINGUÉN SE FAI CARGO DA ANPA.

PROCESO PRESENTACIÓN DE CANDIDATURAS E ELECCIÓNS

Todos aqueles socios e/ou socias da ANPA que esteades interesados en presentar candidatura pechada para formar parte da Xunta Directiva da Asociación, poderedes facelo, cubrindo o impreso ao efecto (disponible na oficina e no blogue na zona de documentos descargables), desde o próximo día 25 de xaneiro ao 1 de febreiro de 2021.

Poderedes envialo o noso correo electónico (anpaosirmandinhos@gmail.com), ou depositalo na nosa caixa de correo.

Unha vez finalizado o prazo de presentación de candidaturas, estas expoñeranse públicamente no taboleiro de anuncios da ANPA no centro, así como no blogue da asociación https://anpaosirmandinhos.blogspot.com.es/ e enviarase por tokapp co fin de publicitar ao máximo as candidaturas entre os socios/as. O período de publicación será do 5 ao 16 de febreiro

de 2021.

Cando finalice o período de publicación de candidaturas, convocarase aos socios a unha Asemblea extraordinaria o venres 19 de febreiro para a presentación das candidaturas e elección da nova xunta directiva. Desta asemblea sairá a Xunta Directiva da ANPA Os Irmandiños para o período 2020-2022.

RESUMO

· 25 xaneiro 2021 publicación do proceso de electoral.

· Do 26 de xaneiro ao 4 de febreiro de 2021 prazo de presentacións de candidaturas conxuntas

· Do 5 ao 16 de febreiro de 2021 período de publicación das candidaturas

· 19 de febreiro de 2021 asemblea extraordinaria (será online). Recordamos que é necesario estar ao día nos pagos para poder votar e poder ser elexidos/as.

Animámosvos a participar e así colaborar de forma activa pola educación dos nosos fillos.

Moitas grazas e un saúdo,

ANPA Os Irmandiños