domingo, 28 de outubro de 2018

Festa escénica de NADAL_ 4 de Decembro de 2018

¿Queredes pasar unha tarde diferente? 

Este ano o circo da Festa escénica que sempre visita a cidade polo Nadal, non vai a poñer a sua carpa en Castelao, como nos tiña acostumbrados, senon que se traslada ao Auditorio Mar de Vigo. Para quen non o coñeza deixamos o vídeo de promoción deste ano, e recordade que os animais non son de verdade.

Dende o ANPA poñemos a vosa disposición entradas para ir ao espectáculo o Martes 4 de Decembro, na sesión das 17:00h ou na sesión das 19:00h cun prezo de 6,5€ cada unha. Os nenos menores de 3 anos que non ocupen asiento non pagan, ainda que sí deben anotarse igualmente.

Se queredes ir tendes que enviarnos un mail anpaosirmandinhos@gmail.com, indicando cantas entradas queredes, se van nenos menores de 3 anos e á sesión para a que queredes as entradas. Tendes tamen que facer un ingreso na nosa conta polo importe total das entradas antes do día 11 de Novembro. Recordade poñer o nome do neno e a palabra circo no concepto.

 Despois de esa data non será posible adquirir as entradas a través da nosa ANPA. 

Cando teñamos as entradas, mandaremos unha difusión e poderedes pasar a recollelas pola oficina no horario normal de apertura.

Así que xa o sabedes. Se queredes ver este magnífico espectáculo cun prezo reducido, non deixedes pasar a ocasión.





domingo, 21 de outubro de 2018

OBRADOIRO AUTOPROTECCIÓN PARA MULLERES_ Novembro 2018

A CONCELLERÍA DE IGUALDADE DO CONCELLO DE VIGO abre o prazo de inscrición para participar no seguinte obradoiro:

OBRADOIRO DE AUTOPROTECCIÓN PARA MULLERES

Dirixido a: mulleres maiores de 18 anos empadroadas en Vigo, agás alumnas derivadas polo Centro Municipal de Información dos Dereitos da Muller
Obxectivos e contidos:
O obxectivo deste obradoiro é proporcionarlles ás asistentes uns coñecementos e habilidades básicas de autoprotección que lles permitan mellorar a súa seguridade persoal e ter un plan de seguridade con medidas que lles axuden a previr a agresión, ou, senón fose posible, saír dela con máis garantías. Estes coñecementos están pensados para que poidan ser de utilidade ante calquera imprevisto de carácter violento que poida acontecerlles na súa vida particular.
No transcurso das sesións formativas as alumnas aprenderán a identificar situacións de risco, a estar alerta ante tentativas de agresión, e aprenderán e practicarán habilidades, técnicas e recursos para a súa protección e defensa... Esta formación permitiralles mellorar a súa capacidade de reacción, a súa autoestima e a súa confianza persoal.
O primeiro día do obradoiro realizarase unha sesión introdutoria sobre os aspectos psicolóxicos na autoprotección desde unha perspectiva de xénero, que será impartida pola psicóloga do Centro Municipal de Información dos Dereitos da Muller.
As seguintes sesións serán impartidas por instrutores da Policía Local.
Datas: 30 de outubro, e 5, 6, 8, 9, 12, 13, 15 e 16 de novembro. 9 sesións. 19 horas
Horario: 16:30 a 18:30 h (agás a sesión introdutoria do día 30 que será de 16:30 a 19:30 h).
Lugar: Casa das Mulleres e instalacións da Policía Local. Concello de Vigo
Prazo e requisitos para a inscrición:
As prazas son limitadas e cubriranse por orde de inscrición.
Non é necesario ter unhas condicións físicas determinadas nin coñecementos previos sobre ningún tipo de arte marcial. A formación desenvolverase de tal xeito que todas as alumnas poidan realizar satisfactoriamente a actividade.
Inscrición previa desde o mércores 10 de outubro, e ata cubrir prazas, na Concellería de Igualdade, 1ª planta da Casa do Concello, de 9:00 a 13:30 h; ou ben a través do teléf. 986 810 284, en horario de 8:30 a 15:00 h.
O persoal da administración local do concello non poderá participar nesta formación.
Protección de datos: os datos que vostede facilite incorporaranse ás correspondentes actividades de tratamento do Concello de Vigo e serán tratados coa finalidade específica de cada tratamento de conformidade coa regulación establecida polo Regulamento (UE) 2016/679 do Parlamento Europeo e do Consello sobre protección de datos de carácter persoal e demais disposicións de aplicación. A lexitimación do tratamento está baseada no consentimento das persoas interesadas. O prazo de conservación dos datos dependerá do especificado para cada tratamento de datos persoais.
Os datos solicitados unicamente serán obxecto de cesión, no seu caso, logo do consentimento da persoa interesada ou de acordo co previsto na citada lexislación.
As persoas cuxos datos datos persoais sexan tratados polo Concello de Vigo poderán exercitar os dereitos de acceso, rectificación, supresión, oposición, limitación do tratamento e portabilidade, así como a opoñerse á toma de decisións individuais automatizadas, incluída a elaboración de perfís, na forma prevista na lexislación vixente sobre a materia, ante o órgano responsable do ficheiro. No caso de descoñecer este órgano, a solicitude dirixirase á dpd.vigo@vigo.org
Así mesmo as persoas usuarias tamén teñen dereito a presentar unha reclamación ante a Axencia Española de Protección de Datos.

Agardamos que esta información sexa do voso interese e agradecemos que a difundades entre os vosos contactos e amizades.

Saúdos

CONSELLO ESCOLAR _10 DE OUTUBRO 2018

O pasado mércores 10 de outubro houbo consello escolar, e como tódos os inicios de curso aprobouse a Programación Xeral Anual (PXA 2018/2019) do noso centro. Neste documento o centro recolle cales son os obxectivos para este ano, qué medidas vai levar a cabo para acadalo, e con qué recursos conta para facelo.

Tamén aprobouse como día non lectivo do centro o 2 de novembro, a ainda que faltaba a confirmación da consellería, coidamos que non haberá cambios neste sentido, xa que a maioria dos CEIPs e IES de Vigo, elexiron este día como non lectivo.

Por último, e quizais o máis preocupante para nos, é a notificación das deficiencias que todavía temos no centro, que xa reclamamos con anterioridade e que persisten, como as alta temperatura nas aulas de infantil, o afundimento do chan en diferentes zonas da escola, e das que non recibimos contestación algunha. Pero que ademáis se ven agravadas polas averías no sistema de calefacción tendo en conta que chega o inverno; a avaría do ascensor, moi necesario tendo en conta que temos alumnado con dificultades na sua movilidade; e a falta de coidado da finca colindante que nos invade a sua vexetación e caen no noso patio frutos non comestibles, co perigo que elo supon para os nosos nenos.

Ante esta situación, comprometémonos como ANPA a presentar un escrito de queixa ao Concello que é quen debe arranxar esta situación, pois xa finalizou o periodo de garantía da obra, como paso previo a tomar outro tipo de actuacións mais contundentes de protesta. Nesta semana esperamos xa presentalo no Concello e vos manteremos informados.


SAMAIN EN LIBROS PARA SOÑAR

LIBROS PARA SOÑAR RETOMARÁ MAÑÁ AS ACTIVIDADES DE ANIMACIÓN Á LECTURA
CON CONTOS DE MEDO EN VÉSPERAS DO SAMAÍN

Co lema ?Contos de medo?, LIBROS PARA SOÑAR retomou o venres, as 18:30 horas, a súa programación habitual de actividades de animación á lectura, trala paréntese estival. En vésperas do Samaín, o repertorio da sesión de contacontos inclue obras como ?Gato Guille e os monstros? de Rocío Martínez, o clásico ?Rufus, o morcego que adoraba as cores? de Tomi Ungerer, e ?Un dous tres, vampiro ti es? de Nadia Budde.

Vos animades a asistir?


xoves, 18 de outubro de 2018

CURSO ATENCIÓN URXENCIAS SANITARIAS_ Novembre 2018


Seguro que moitas veces pensamos o importante que é ter coñecementos básicos para atender no primeiro momento os nosos nenos e non tan nenos, se nalgún momento pasase algo... Pois agora tedes a oportunidade de aprendelo!

A Consellería ofrece ás familias a posibilidade de asistir a unha formación de 9 horas sobre atención a urxencias sanitarias, que será impartida por persoal do 061.

Esta formación  desenvolverase no IES Politécnico de Vigo (Torrecedira, 88  C.P. 36208, Vigo ) os días 12, 19 e 26 de novembro en horario de 16:30 a 19:30.

Para facer a inscrición hai que chamar ao teléfono do CFR de Vigo 986202370 ata o día 7 de novembro. A selección dos participantes farase por orde de recepción das solicitudes ata cubrir 30 prazas.

Apuntádevos!


mércores, 17 de outubro de 2018

XUNTANZA DE FAMILIAS NEAE_ 27 Outubro 2018



FOANPAS organiza unha xuntanza de familias NEAE o vindeiro sábado 27 de outubro no IME, sito en Camiño do Chouzo, nº 2 (Vigo), dende as 10:00 ata as 14:00 horas.

Cal é a situación do alumnado NEAE na escola? Cales son as súas necesidades? Estanse a cubrir? Son suficientes os recursos cos que se conta? Cal é a función das aulas específicas? E a familia que papel ten?

Convocamos a todas as familias NEAE a esta xuntanza na que analizaremos, reflexionaremos e debateremos sobre a inclusión educativa e sobre a situación do alumnado NEAE nas aulas. O noso obxectivo é chegar á Administración para que se respecten os dereitos do alumnado con diversidade e poder acadar o seu benestar nas aulas.

Os/as interesados/as podedes inscribirvos vía telefónica: 986298812 ou no correo electrónico: foanpas@foanpas.com ata o 26 de outubro. Para facilitar a vosa asistencia contaremos con servizo de ludoteca para nenos/as de 3 a 12 anos (previa inscrición e se hai un mínimo de 5 nenos/as anotados/as).

Pregamos difundades esta información entre as nais e os pais do voso centro, especialmente aquelas familias que teñen fillos e fillas con necesidades específicas de apoio educativo. A unión de todas as familias é importante e queremos coñecer a opinión e situación de todas.

Agradecendo a vosa colaboración e agardando sexan do voso interese.

mércores, 10 de outubro de 2018

RENOVACIÓN DA XUNTA DIRECTIVA DA ANPA 2018


RENOVACIÓN DA XUNTA DIRECTIVA DA ANPA

PRESENTACIÓN DE CANDIDATURAS E
PROCESO ELECTORAL

Estimadas familias,

Por mor da renuncia voluntaria ao cargo da Xunta Directiva actual deberemos convocar unha Asemblea para elixir un novo equipo.

CANDIDATURAS

Todas as candidaturas presentadas deberán ser candidaturas CONXUNTAS*
 
* As candidaturas CONXUNTAS son as formadas por un grupo de socios/as que se unen para presentarse como grupo, elixindo cada un dos socios integrantes un posto dentro da Xunta Directiva. Segundo os estatutos da Asociación deberá ter cubertos, polo menos, os seguintes postos, de forma obrigatoria: Presidente/a, vicepresidente/a, tesoreiro/a e secretario/a; ademais, poderán existir tantos postos de vogais como se estime oportuno, sen límite nin por exceso nin por defecto. Polo tanto, as candidaturas conxuntas deberán estar formadas por, polo menos, catro membros.

Como xa vos informamos, calquera membro socio/a ao corrente de pago ten dereito a presentarse como candidato. Animámosvos a todos/as a que presentedes candidatura, e poñades en marcha os vosos proxectos e ideas. No entanto, e vista a experiencia en cursos anteriores, debedes ter en conta que calquera cargo, sexa o que sexa, dentro da Xunta Directiva, require dunha mínima dedicación de tempo por parte dos seus integrantes, xa que diso DEPENDE O BO FUNCIONAMENTO das actividades extraescolares, así como moitas outras xestións habituais que as ANPAS realizan: colaboración en proxectos co centro, promover as boas relacións entre a Directiva e os docentes do Centro coas familias, representación no consello escolar do centro, xestión das subvencións, xestión económica e administrativa da asociación, representación da asociación perante calquera organismo ou en  reunións con anpas do municipio, información e promoción de actividades formativas e culturais … 


PROCESO PRESENTACIÓN DE CANDIDATURAS E ELECCIÓNS
 
Todos aqueles socios e/ou socias da ANPA que esteades interesados en presentar candidatura pechada para formar parte da Xunta Directiva da Asociación, poderedes facelo, cubrindo o impreso ao efecto (disponible na oficina e no blogue na zona de documentos descargables), desde o próximo día 24 de outubro ao 4 de novembro de 2018.

Poderedes entregalo en man no local da ANPA, ou depositar na nosa caixa de correo.

Unha vez finalizado o prazo de presentación de candidaturas, estas expoñeranse públicamente no taboleiro de anuncios da ANPA no centro, así como no blogue da asociación https://anpaosirmandinhos.blogspot.com.es/  e enviarase por tokapp co fin de publicitar ao máximo as candidaturas entre os socios/as. O período de publicación será do 5 ao 11 de novembro de 2018.

Cando finalice o período de publicación de candidaturas, convocarase aos socios a duas Asembleas xerais o martes día 13 de novembro de 2018. Primeiro teremos unha asemblea ordinaria para a presentación das contas e memoria das actividades realizadas 2016-2018 e despois outra extraordinaria para a presentación das candidaturas. Desta asemblea extraordinaria sairá a Xunta Directiva da ANPA Os Irmandiños para o período 2018-2020.

RESUMO
·         10 outubro 2018 publicación do proceso de eleccións
·       Do 24 de outubro ao 4 de novembro de 2018 prazo de presentacións de candidaturas conxuntas
·       Do 5 ao 11 de novembro de 2018 período de publicación das candidaturas
·       13 de novembro de 2018 asemblea xeral ordinaria e extraordinaria. Recordamos que é necesario estar ó día nos pagos para poder votar.



Animámosvos a participar e así colaborar de forma activa pola educación dos nosos fillos.

            Moitas grazas e un saúdo,


ANPA Os Irmandiños