OBXECTIVO IGUALDADE

Grazas a Quique Simón por adicarnos esta tarde onde nos abriu unha visión á fotografía:

"a fotografía é dibuxar coa luz" 

Asistimos a unha presentación breve pero moi interesante, ode vimos as moitas aplicacións da fotografía, e as mensanxes que podemos trasnmitir. Como a Igualdade, que tamén se pode transmitir a través de imaxes.

Conseguiu a participación de nenas e nenos que observaron a ollada de dous fotógrafos moi coñecidos un home e unha muller, para facernos ver o difícil que sería acertar que foto estaba realizada por cada un deles, a mensaxe era clara: todas e todos podemos transmitir unha idea cunha imaxe, independentemente da súa identidade.
Cristina García Rodero e Henri Cartier-Breson

Logo tocaba practicar, e a biblioteca convertiuse nun estudio improvisado de fotografía, onde modelos e fotógrafos se mesturaron e encheron a biblioteca de olladas.

...seguiremos precticando!

Foro de igualdade

Compartimos as nosas inquedanzas

A nosa implicación na coeducación é fundamental para mellorar as situacións de conflito entre nenas e nenos. Ás veces non as identificamos ou non lle damos importancia, porque nos parecen "incidentes" "normais" na convivencia. Queremos agradecer a Cristina Rodríguez a súa aportación, porque aínda que non eramos un grupo moi numeroso falamos de temas importantes, transcendentais para o futuro das nosas fillas e fillos. Porque non queremos que ningún dos nosos fillos sexa un maltratador nin ningunha das nosas fillas maltratadas, e ás veces hai que decir as cousas con crudeza, porque parece que non vemos o problema ata que xa é tarde. E en ningún caso se trata de culpabilizar, senón de aproveitar os conflitos menores para traballar sobre a igualdade e evitar que se convirtan en irreparables. 

Foron moitos os temas que tratamos e algunhas as conclusións. 

• Os lugares onde xurden os modelos que van ser imitados: as familias, a escola, as actividades lúdicas e a LINGUAXE (un elemento que explica e transmite as diferenzas que a sociedade xenera)

• A diferenza entre sexo e xénero, e a compoñente social da identidade de xénero, que vai conformando a identidade dos individuos practicamente dende nacen. Como tratamos inconscientemente de distinto modo a nenas e a nenos:

• Os calificativos que normalmente asociamos a cada xénero:

ELAS	ELES
débiles	fortes
sensibles	valentes
delicadas	rudos
coidadoras	conquistadores
cautas	intrépidos
histéricas	equilibrados
colaboradoras	loitadores
fermosas	robustos
agarimosas	defensores
ELES?	ELAS?

Non é certo que todas as características poden ser intercambiables?

Polo tanto, se todos temos incorporados centos valores a cada xénero estamos influíndo día a día na súa construción, e reproducindo uns estereotipos, fomentando as diferenzas en lugar de educar en igualdade.

• O estilo de aprendizaxe: tendemos a premiar, a valorar quen fai as cousas ben, quen remata antes, quen destaca por enriba dos demais. Tendemos a valorar a fortaleza, o éxito, a competitividade. E estes valores provocan certa agresividade fronte ao débil, a quen necesita máis tempo ou tranquilidade para conseguir facer as cousas. Tal vez deberiamos valorar máis a debilidade, a sensibilidade, as diferenzas de xeito que quen ten características diferentes se sinta valorado e comprendido.

• E non é certo que o futuro estea preparado para a competitividade. Como se sinalou no foro os equipos de traballo tenden a ser cada vez máis colaborativos ca competitivos, a valorar todas as ideas e as peculiaridades de cada compoñente do grupo e tentar crear sinerxias nas que todas as valoracións conflúan en solucións máis integradoras.

• A resolución de conflitos: entendemos o conflito como algo que temos que resolver, e a poder ser dun modo o máis rápido e sinxelo posible, quitándolle importancia, cantas veces repetimos “son xogos de nenos”?

• Poderiamos aproveitar o conflito como unha oportunidade para traballar as desigualdades, para detectar os desequilibrios nas relacións sociais dos individuos, para apoiar a quen se sente débil, perxudicadx, invisibilizadx, diferente, porque identificamos a diferenza como algo a rexeitar, e a debilidade como algo do que fuxir.

• Os espazos de aprendizaxe: onde podemos apoiar os conceptos de coeducación, tanto na aprendizaxe formal coma na informal. Tratar todos os temas de xeito transversal en todas as actividades que facemos. 

• Na educación formal o papel é das educadoras e educadores, botámolos en falta no foro para que compartisen a súa visión, a súa experiencia, e porque tamén somos conscientes das dificultades que teñen na súa actividade diaria para resolver os conflitos e educar. Nos gustaría crear pontes de colaboración para apoiar a súa labor, pero temos que ter espazos e tempos para compartir inquedanzas e reforzar o noso traballo en común, que é a educación.

  

  crisigualdade@gmail.com

• Na educación non formal, nas actividades que chamamos extraescolares, dende a ANPA queremos facer ese traballo de mellorar en Igualdade, e sabemos que é un obxectivo difícil e prolongado. A vantaxe é que normalmente as nenas e nenos que asisten a unha actividade extraescolar é porque lles gusta, e polo tanto a actitude para a aprendizaxe mellora, e o xogo é unha das mellorres ferramentas de aprendizaxe.

• Asi lanzamos ao monitorado das actividades extraescolares unha serie de propostas para mellorar en coeducación, medidas sinxelas pero concretas que poden axudar a un mellor autocoñecemento e autoaceptación, e ao coñecemento e aceptación dos demáis coas súas diferenzas e características, coas súas peculiaridades:

• traballar as "debilidades" de nenas e nenos como algo positivo, en colaboración entre todas

• empregar femininos xenéricos incluíntes

• fomentar o desfrute da actividade en vez da competitividade

• adicar 5 minutos finais para que expresen como se sentiron

• expor nalgunha ocasión o tema de igualdade e que expresen a súa opinión

• fomentar estereotipos neutros tanto na forma de actuar como nas vestimentas

• todxs somos fortes e todxs somos sensibles

• E a proposta en conxunto: preparar dende todas as actividades unha presentación para a festa de fin de curso baixo o tema da IGUALDADE (flashmob, coreografía, ou calquera outra proposta que se nos ocorra) 

XOGAMOS!

Que boa tarde!
Un monton de nais e pais, nenas e nenos asistiron ao patio de xogo do cole, agradecemos moito a boa acollida da actividade, a boa actitude de todos, e a colaboración dos novos momitores de fútbol que se implicaron na xornada. GRAZAS A TODXS
Un ambiente estupendo dun grupo de xente que quería facer algo distinto, participar e propor modos de xogar entre todxs!

Os xogos poden ser case os mesmos, se incidimos en que todxs participen, que xogar xuntos é máis importante ca gañar, e non tomarnos demasiado en serio o resultado e si o disfrutar do momento. E que bonito ver desfrutar aos rapaces da ilusión de xogar coas súas nais e pais.

CREMOS FIRMEMENTE QUE O XOGO É UNHA DAS MELLORES FERRAMENTAS PARA APRENDER, PARA TRANSMITIR VALORES.

Dende a ANPA estamos moi contentas coa participación, que desbordou as nosas expectativas. Pedimos descuplas pola falta de previsión para que os xogos estivesen máis organizados, pero puideron realizarse, e tamén nos dimos conta do complicado que o teñen profesorado e monitores de actividades para organizar actividades e xogos coeducativos con grupos numerosos!
...moito mérito!

Tamén nos serviu para darnos conta do difícil que resulta xogar nun patio cuberto con tan mala acústica, difícil entenderse, difícil organizarse. Así que niso tamén podemos aportar solucións para mellorar o espazo. É interesante poñerse no papel dos demáis para tentar entre todxs mellorar as cousas. Que difícil e que interesante!

Sobre todo destacar a boa actitude das persoas que alí estiveron, gracias de novo, e tentaremos repetir a experiencia e mellorar!

XOGAMOS?

Como podemos axudar ás nosas fillas e fillos a que xoguen en igualdade?
Teñen en nós un modelo de aprendizaxe, que podemos aproveitar . Xogar en familia, e xogar en igualdade son ferramentas fundamentais para ter un modelo coeducativo real.

ANIMÁDEVOS A PARTICIPAR !

algúns enlaces:

https://saposyprincesas.elmundo.es/ocio-en-casa/juegos-para-ninos/juegos-de-igualdad-infancia/
http://www.aulaviolenciadegeneroenlocal.es/consejosescolares/archivos/Mat_185_Guia_Nuevas_formas_de_jugar.pdf
http://blog.tiching.com/patios-colectivos-coeducativos/

Queremos coeducar! queremos unha educación en Igualdade

Inauguramos a escola de NAIS e PAIS!

Xa abrimos un espazo para o diálogo, para que podamos compartir as nosas inquedanzas á hora de educar ás nosas fillas e fillos.

Agradecemos a Luisa Abad que compartise con nós a súa visión sobre coeducación tan enriquecedora e desexable para a sociedade na que vivimos. Tamén agradecemos a presenza do profesorado que nos acompañou nesta xornada. Debemos ter esperanza en que as novas xeracións sexan quen de crear un mundo máis igualitario, pero temos que axudarlles, e o tempo é xa, nas primeiras fases da súa educación, que van ser determinantes para o seu futuro.

Foron moitos os aspectos nos que Luisa incidiu: Os estereotipos de xénero, os espazos na casa e na escola, os contos, a visión da sociedade das diferenzas entre xéneros, e como nós, os adultos que estamos nas vidas destas nenas e nenos podemos ofrecer alternativas mellores na súa educación para que se fomente entre elas e eles unha convivencia máis respectuosa e igualitaria.

Queremos incidir sobre todo nas propostas finais que se fixeron en positivo:

contos que teñen en conta a perspectiva de xénero, e que xa están na nosa escola, cos que nais e pais podemos traballar en coeducación

ofrecer xoguetes coeducativos a nenas e nenos, observar e compartir os tempos de xogo, ofrecerlles xogos colaborativos e construtivos

novos espazos para o xogo e para a aprendizaxe, ao aire libre, nos espazos interiores, facelos partícipes do deseño dos espazos, analizar o lugar que ocupan no patio...

Algunhas propostas xa se están a levar a cabo nos centros educativos, tamén está na labor de Nais e Pais ofrecerse para xogar, para compartir eses momentos de lecer en familia, do que tanto desfrutan e agradecen. E escoller xogos coeducativos e modos de xogar construtivos.

Un exemplo foron as propostas da monitora da Ludoteca, que se prestou a colaborar nesta tarefa, na que organizaron diversos xogos que permiten ter unha visión máis igualitaria: 

que acontece se nenos e nenas xogan ao fútbol xuntos, e as regras cambian e antes de tirar á protería hai que pasar o balón a todos os compañeiros e compañeiras?

que pasa se cando bailamos xogamos e non sexualizamos o baile?

Perderán o medo os nosos fillos e fillas a xogar a calquera cousa que lles apeteza sen medo a que os sinalen, a pensar: "iso son xogos de nenas..." "iso non é para ti..."

KIM: unha nova amistade

A nosa mascota chega ás aulas de infantil.
Vainos axudar a xogar coas nosas fillas e fillos e aproveitar para educar en igualdade, e desenvolver a súa personalidade. Xogar non ten por que ter un xénero, os presuízos están na nosa propia educación.

Que pasa se deixamos que os nosos fillos xoguen con bonecas? botádelle un vistazo a esta imaxe:

Deberiamos pensar por que na nosa sociedade case todas as personas que se encargan de coidar aos demáis son mulleres... (escoliñas, enfermerías, centros da terceira idade,...) e se non deberíamos educar aos nosos fillos nos coidados, romper estereotipos.

se che molesta esta imaxe, pensa o porqué

Aquí tedes un patrón se queredes coser un Kim:

Escola de nais e pais: educando en igualdade

comprométete coa Igualdade

Comezamos xa coa realización das actividades programadas arredor da coeducación e o noso compromiso en mellorar a educación das nosas fillas e fillos, en preparalos para que vivan nun mundo mellor, onde se respecten máis e aprecien as súas diferenzas e loiten pola igualdade de oportunidades.

Temos un percorrido difícil para enfrontalos a unha realidade que está lonxe de conseguir esas metas, pero o único camiño é a educación que lles podamos ofrecer. Todas e todos xuntos.

O próximo martes 15 de outubro comezaremos cunha charla a cargo de Luisa Abad, unha experta en coeducación e temas de igualdade.

Deixámosvos un par de enlaces do seu traballo e blog: 

bibliografía

artigos

blog

Vai compartir con nós as súas experiencias e tentar facernos visible a realidade de como educamos e as alternativas que podemos ofrecer ás nosas fillas e fillos.

Agardamos a vosa presenza e que sexa do voso interese.