IV CAMPAÑA SOLIDARIA

DE RECOLLIDA DE XOGUETES E ROUPA

     Outro ano máis coa chegada do Nadal queremos repetir a campaña solidaria de recollida de xoguetes. Este ano como novidade tamén recolleremos roupa.

     Podedes colaborar levando algún xoguete ou roupa que os vosos fillos xa non usen, e deixándoos nunha caixa que estará na entrada principal do centro, do 3 ó 18 de Decembro.

     Os xoguetes  non teñen porque estar novos, pero sí en bo estado, limpos e completos. Pensade que son para entregar a outros nenos o día do Nadal.

      Todo o  que recollamos donarémolo un ano máis a Asociación VIDA DIGNA, quen os revisará, catalogará é repartirá as familias que o necesiten.

ANIMADEVOS A COLABORAR

TRABALLANDO CON KIM

Kim xa comeza a ter as súas características!

Agradecemos ao alumnado de 6º de infantil a súa ilusión no traballo de darlle a Kim esa identidade múltiple, a personalizalo para observar a diversidade.
Grazas polo voso entusiasmo e felicitade tamén á vosa profe Maricruz, que vos impulsa neste traballo tan bonito!
Agardamos que Kim sega a medrar nos vosos corazóns.

Camisetas pola Igualdade

ESTAMPANDO IGUALDADE

Obradoiro de camisetas para familias

Este martes 12 de novembro unha morea de famillias anotáronse ao obradoiro de camisetas!, de feito tivemos que facer dúas quendas, e finalmente estampamos 50 camisetas.

O máis bonito foi ver pais, nais, avós, nenas e nenos traballando xuntos, con moi boa actitude, aprendendo a técnica de estampación e estampando palabras tan bonitas como LIBERDADE e IGUALDADE.

Agradecemos a boa disposición de todxs, o ambiente festivo, e o ben que todo o mundo traballou, limpou, compartiu e colaborou cos demais.

Estamos moi contentxs deste día, e do significado que ten: camisetas que van ir espallando LIBERDADE e IGUALDADE, e agardamos que non se quede só en palabras, que nos fagan reflexionar sobre os feitos que realizamos a diario, en encher de igualdade os lugaes onde convivimos. Encher de comprensión e respecto as diferenzas de cada individuo, porque somos Iguais dende as nosas diferenzas. 

Só así acadaremos a liberdade real, un obxectivo tan difícil coma preciado. E só dende a consciencia dos nosos actos poderemos construír espazos de liberdade real. Necesitamos querer mellorar, dende o respecto, dende a sensibilidade propia e o respecto das outras sensibilidades.

Agardamos que experiencias coma esta queden na memoria e deixen pegada.

Agradecemos as fotos de Quique, que con tanta sensibilidade como nos ten acostumadxs capturou momentos onde vemos reflectidas estas experiencias.