BENVIDOS

Xa comeza un novo curso, para algún o primeiro, e dende o ANPA queremos darvos a benvida a todos e a todas. Para nós, este curso, tamén está cheo de novidades e con este post inauguramos o blog do noso ANPA. Esperamos que sirva para mellorar a comunicación con tódalas familias e que a información que vos facilitamos sexa do voso interés. Tamén aproveitaremos para subir fotos das actividades que facemos, avisos, novas,... e por suposto, esperamos a vosa participación e suxerencias, e así entre todos, darlle forma a este novo proxecto.

Recordamosvos que tódalas familias que desexen formar parte da asociación, deberá formalizar a inscrición durante o mes de Setembro. Podedes descargar aquí a solicitude de inscrición.

A cota anual por familia é de 15 euros anuais que deberán ingresarse na conta da Asociación (Abanca):

ES 61 2080 5016 03 3040006416 

Para facer efectiva a inscrición deberá entregarse fotocopia do xustificante de ingreso xunto a esta solicitude aos voluntarios no local da Asociación ou depositándoa na caixa de correos do ANPA. O local do ANPA permanecerá aberto a tal efecto de luns a venres de 9.00 a 10.00h.

A sinatura da ficha de inscrición supón a aceptación dos Estatutos da Asociación de nais e pais.